नवलपुरमा जिप दुर्घटना हुदा ४ जनाको मृत्यु

नवलपरासी (बर्दघाट सुस्ता पूर्व)को धौवादीमा भएको जिप दुर्घटना हुदा चार जनाको मृत्यु भएको छ । दलदलेबाट डेडगाउँ जादै गरेको गण्डकी प्रदेश ०४–००१ज–०००६ नम्वरको जिप हुप्सेकोट गाउँपालिका ५ धौवादीको कान्छीपानी नजिकै दुर्घटना हुदा चार जनाको मृत्यु भएको हो । दुर्घटनामा परि बुलिङटार गाउपालिका ६ का ६० बर्षिय होम बहादुर रानाभाट, बुलिङटार ५ राईकोटकी ६७ बर्षिय मनसभा बराल, बौदीकाली गाउँपालिका २ की २८ बर्षिय केसरी दराई र ५८ बर्षिय याम बहादुर ठाडाको घटना स्थलमै मृत्यु भएको जिल्ला प्रहरी कार्यालय नवलपरासी(बर्दघाट सुस्ता पूर्व)का प्रमुख एसपी भुवनेश्वर तिवारीले जानकारी दिनु भयो । दुर्घटनामा परि आठ जना घाईते भएका छन् । घाइते हुनेमा चालक दुर्गा बहादुर विरकट्टा, फुलमाया कुमाल,सुनिता रानाभाट, निश्चल रानाभाट,खेमचन्द्र दरई,सजन दरई,सुना सुनार र उत्तम क्षेत्री लाई उपचारका लागि अस्पताल लगिएको छ । सडक वाट करिव तीन सय मिटर तल खसेको जिप ब्रेक फेल भएका कारण दुर्घटनामा परेको अनुमान गरिएको छ । साझ साढे ५ बजे भएको दुर्घटनामा घाइते तथा मृतकको उद्धार साढे ८ बजे सम्म जारी रहेको थियो । घाइते तथा मृतकको उद्धार गर्न निकै कठिन भएकाले मृत्कको संख्या वढेको जनाइएको छ । घटना स्थल दुर्गम पहाडी क्षेत्र भएकाले उद्धारमा निकै कठिनाइ भएको हुप्सेकोट गाउँपालिका वडा नम्वर ५ का वडा अध्यक्ष पदम बहादुर रानाले वताउनु भयो ।