कावासोतीमा जिल्ला स्तरीय खुल्ला मेन्टर क्रिकेट प्रतियोगिता हुने

कावासोती । नवलपुरको कावासोतीमा प्रथम जिल्ला स्तरीय खुल्ला मेन्टर क्रिकेट प्रतियोगिता हुने भएको छ । मुख्य आयोजक संस्था मेन्टर एज्युकेशनले मंगलबार कावासोतीमा पत्रकार सम्मेलन गरी आगामी फागुन २ गतेदेखि प्रतियोगिता हुन लागेको जानकारी दिएको हो ।

प्रतियोगिता कुमारवर्ती क्याम्पसको प्राङ्गढमा हुनेछ । त्यसका लागि फागुन १ गते दिउँसो चार बजेसम्म टीम दर्ता गर्ने समय दिइएको छ । नक आउट चरणमा हुने प्रतियोगिताको विजेताले ५१ हजार १५५ रुपैयाँ र दोस्रो हुनेले २५ हजार १५५ रुपैयाँ प्राप्त गर्ने कार्यक्रम संयोजक किरण भुर्तेलले जानकारी दिए ।

त्यस्तै म्यान अफ द सिरिज, उत्कृष्ट ब्याट्सम्यान, उत्कृष्ट बलरले ट्रफि र मेडलसहित नगर २ हजार ५०० रुपैयाँ प्राप्त गर्नेछन् । प्रतियोगिताका हरेक खेल आइसीसीको नियमानुसार सञ्चालन गरिने आयोजकले जनाएको छ । जिल्लामा क्रिकेटको विकास गर्ने उद्देश्यले प्रतियोगिता सञ्चालन गर्न लागिएको संयोजक भुर्तेलले बताए ।