टिप्परको ठक्करबाट साईकल यात्रीको मृत्यु

३ वैशाख,
नवलपरासी(बर्दघाट सुस्तापश्चिम)को रामग्राम नगरपालिका–१७ पट्खौलीमा टिप्परको ठक्करबाट साईकल यात्रीको मृत्यु भएको छ ।
मृत्यु हुनेमा रामग्राम–१२ कुनुवार बस्ने ६० वर्षीय गणेश प्रसाद हरिजन रहेको जिल्ला प्रहरी कार्यालय नवलपरासी(बर्दघाट सुस्तापश्चिम)का सूचना अधिकारी डिएसपी भोजराज पाण्डेले बताउनु भयो ।
उहाँका अनुसार आज साझ जिल्लाको रामग्राम– १७ पठ्खौली स्थित भित्री सडक खण्डमा पश्चिमबाट पूर्व तर्फ जादै गरेको प्रदेश २–०३–००१ क ११३२ नं. को खाली टिप्परले साईकल यात्रीलाई ठक्कर दिएको हो । टिप्परको ठक्करबाट गम्भीर घाइते हरिजनको पृथ्वी चन्द्र अस्पतालमा उपचारको क्रममा मृत्यु भएको सुचना अधिकारी पाण्डेले बताउनु भयो ।
ठक्कर दिने टिप्परका चालक फरार छन् । दुर्घटना लगत्तै स्थानीयले ठक्कर दिने टिप्परमाथी ढुंगामुढा गरेका थिए ।