ट्रककाे ठक्करबाट महिलाकाे ज्यान गएपछि कैलालीमा तनाव, लम्की बजार बन्द
निष्कर्ष |
कैलाली – ट्रकको ठक्करबाट एक महिलाको ज्यान गएपछि कैलालीको लम्कीमा तनाव सृजना भएको छ ।
पूर्व–पश्चिम राजमार्ग अन्तर्गत कैलालीको लम्कीचुहा नगरपालिका १ लम्की चौराहमा ना २ ख ९३७० नम्बरको ट्रकले ठक्कर दिँदा एक महिलाकाे ज्यान गएपछि तनाव सृजना भएको हो ।
प्रदर्शनकारीले ठक्कर दिने ट्रकमा आगाे लगाएका छन् । अहिले स्थानीयवासीले राजमार्गमा प्रदर्शन गर्न थालेपछि भिड नियन्त्रण गर्न प्रहरीले केही थान अश्रुग्यास प्रहार गरेको छ ।
अहिले राजमार्ग र लम्की बजार बन्द गरिएको छ । मृतकको सनाखत नभएको प्रहरीले जनाएको छ ।
