नवलपुरमा जीप दुर्घटना २ जनाको मृत्यु

नवलपरको धौवादीमा भएको जिप दुर्घटनामा परि २ जनाको मृत्युु भएको छ । दलदलेबाट १४ जना यात्रु लिएर डेडगाउँ जादै गरेको गण्डकी प्रदेश ०४–००१ज–०००६ नम्वरको जिप हुप्सेकोट गाउँपालिका ५ धौवादीको कान्छीपानी नजिकै दुर्घटनामा परेको हो । र्दुटनामा परि २ जनाको घटना स्थलमै मृत्यु भएको छ भने चालक सहित ८ जना गम्भिर घाइते भएको जिल्ला प्रहरी कार्यालय नवलपुरका प्रमुख एसपी भुवनेश्वर तिवारीले जानकारी दिनु भयो । घाइतेहरुको उद्धार गरि उपचारका लागि कावासोती लगिएको छ । अहिले साझ साढे ५ वजे भएको दुर्घटनामा जिप तीन सय मिटर तल खसेकाले घाईतेको उद्धार गर्न निकै समय लागेको थियो जिपको ब्रेक फेल भई दुर्घटना भएको अनुमान गरिएको छ । अहिले सम्म मृत्क तथा घाईतेको परिचय खुलेको छैन् । जिपमा १० जना सवार रहेको जनाइएको छ ।