कावासोतीमा दुई वर्षे बालकको डुबेर मृत्यु

मध्यविन्दु (नवलपरासी), १९ पुस, नवलपरासी(बर्दघाट सुस्तापूर्व)को कावासोती–१५ मा माछा पोखरीमा डुबेर दुई वर्षे बालकको मृत्यु भएको छ ।
कावासोती नगरपालिका–१५ बरौलीटार बस्ने अरुण थापा मगरको दुई वर्षे छोरा अर्किस थापा मगरको घर नजिकै रहेको आफ्नै माछा पोखरीमा डुबेर मृत्यु भएको हो ।
अचानक माछा पोखरीमा खसेका बालकलाई उद्धार गरी उपचारको लागि मध्यविन्दु जिल्ला अस्पताल डण्डा लगिएकोमा उपचारको क्रममा मृत्यु भएको जिल्ला प्रहरी कार्यालय नवलपरासी(बर्दघाट सुस्तापूर्व)का प्रहरी नायब उपरीक्षक वेदबहादुर पौडेलले बताउनु भयो ।
घटनाको बारेमा थप अनुसन्धान भैरहेको प्रहरी नायब उपरीक्षक पौडेलले जानकारी दिनु भयो ।