हुप्सेकोट गाउँपालिकामा निशुल्क माटो परिक्षण शिविर सम्पन्न

हुप्सेकोट गाउँपालिकामा निशुल्क माटो परिक्षण शिविर सम्पन्न भएको छ । मल तथा माटो परिक्षण प्रयोगशाला गण्डकी प्रदेको प्राविधिक सहयोगमा माटो परिक्षण गरिएको हो । गाउँपालिकाको वडा नम्वर १,२ र ३ नम्वरका एक सय जना कृषकहरुले ल्याएको माटो परिक्षण गरिएको हुप्सेकोट गाउँपालिका कृषि शाखाले जनाएको छ । परिक्षण गरिएका माटोको अवस्थाका आधारमा कृषि चुन र पोटास को प्रयोगमा जोड दिन सिफारिस गरिएको कृषि प्राविधिक शुसिल अधिकारीले जानकारी दिनुभयो । माटोमा भएको खाध्य पदार्थ र पि एच को परिक्षण गरिएको जनाइएको छ । माटो परिक्षण शिविरको उद्घाटन कार्यक्रममा हुप्सेकोट गाउँपालिका वडा नम्वर ३ का वडा अध्यक्ष बिष्णु राना , गाउँपालिका प्रवक्ता रेवती सारु सहितका जनप्रतिनिधिहरुको उपस्थिति रहेको थियो ।