विनयी त्रिवेणी गाउँपालिकामा जैविक मल उत्पादनमा प्रोत्साहन गरिने
बिष्णु गौडेल |
विनयी त्रिवेणी,
नवलपरासी(बर्दघाट सुस्तापूर्व)को विनयी त्रिवेणी गाउँपालिका अध्यक्ष घनश्याम गिरीले जैविक मल उत्पादन र प्रयोगमा प्रोत्साहन गरिने बताउनु भएको छ ।
विनयी सामुदायिक वनले आयोजना गरेको जैविक मल निर्माण सम्बन्धी तालिमको उद्घाटन गर्नु हुँदै अध्यक्ष गिरीले गाउँपालिका भित्र कृषि भूमिलाई उत्पादकत्व कायम राख्न र उत्पादकत्व वृद्धिका लागि जैविक मल उत्पादन र प्रयोगमा प्रभावकारी नीति बनाइने बताउनु भयो । वन जङ्गलमा झरेका पातहरू, हाँगाहरू र अन्य जैविक पदार्थ को प्रयोग वाट बायो मास प्रविधि मार्फत जैविक मल तयार पार्ने प्रविधि गाउँ गाउँमा विस्तार गर्नु पर्ने उहाँले बताउनु भयो ।
प्राङ्गारिक उर्वरक र जैविक मलका लागि वन बायोमासम केन्द्रित व्यापक तालिम कार्यक्रम र उत्पादन विकासले समुदाय, वातावरण, दिगो आम्दानी, चेतना र कृषि अभ्यासका लागि विभिन्न सकारात्मक नतिजा ल्याउने हुँदा जैविक मल उत्पादनलाई दिगो बनाउनुपर्ने अध्यक्ष गिरीले बताउनु भयो ।
त्यसै गरी विनयी त्रिवेणी गाउँपालिकाका प्रमुख प्रशासकीय अधिकृत बोधराज बस्यालले माटोको उर्वरता, संरचना सुधार, सूक्ष्म जीव र जैविक पदार्थ, दिगो कृषि अभ्यासका लागि जैविक मल प्रयोगमा कृषकहरूलाई प्रोत्साहन गर्नु पर्ने बताउनु भयो ।
विनयी त्रिवेणी गाउँपालिका वडा नम्वर १ मा रहेको विनयी सामुदायिक वनमा बायोमासको प्रायोग वाट जैविक मल उत्पदन गर्ने प्रविधि र मझौला उद्योग सञ्चालनमा रहेको वनका अध्यक्ष बालु पुरीले बताउनु भयो ।
सामुदायिक वनमा रहेको उद्योग वाट कहिले रोजगारी पाएका छन् भने वनमा खेर गएको बायो मास उपयोग भएको छ ।
जैविक मल निर्माण सम्बन्धी तालिम चार दिन सम्म सञ्चालन गरिने र तालिममा स्थानीय कृषकहरू सहभागी भएको संगम गिरीले जानकारी दिनु भयो ।
