पोखरामा स्कूल बस दुर्घटनाः एकजनाको मृत्यु, दर्जन बढी विद्यार्थी घाइते
निष्कर्ष |
कास्की- विद्यार्थी बोकेर स्कूल जाँदै गरेको बस सोमबार बिहान दुर्घटना हुँदा पोखरामा एकजनाको मृत्यु भएको छ ।
मृतक सोही बसको कर्मचारी भएको बताइएको छ । दुर्घटनामा विद्यालयकी कार्यालय सहयोगी आरती विकको मृत्यु भएको प्रहरीले पुष्टि गरेको छ ।
बसमा दुर्घटनामा दर्जन बढी विद्यार्थी घाइते भएको वडा प्रहरी कार्यालय बैदमका प्रहरी नायब उपरीक्षक सुन्दर श्रेष्ठले जानकारी दिनुभयो ।
घरबाट विद्यार्थी लिएर स्कूल जाँदै गरेको एलपी देवकोटा मेमेरियलको बस पोखराको फुस्रेखोलानेर दुर्घटनामा परेको हो । ग१क ६३१९ नम्बरको बस सडकबाट झन्डै ६० मिटर तल खसेको छ ।
घाइते विद्यार्थीको पोखराका विभिन्न अस्पतालमा उपचार भइरहेको छ ।
