कांग्रेस नवलपुरको सम्मेलनमा देउवासहितका शीर्ष नेता आउने

कांग्रेस पूर्वी नवलपरासीको प्रथम जिल्ला सम्मेलनमा सहभागी हुन सभापति शेरबहादुर देउवासहितका शीर्ष नेता आउन लागेका हुन् । सम्मेलनबारे जानकारी दिन शनिबार आयोजित पत्रकार सम्मेलनमा कांग्रेस पूर्वी नवलपरासीका जिल्ला सभापति महेन्द्रध्वज जिसीले केन्द्रीय सभापति देउवासहित महामन्त्री गगनकुमार थापा, विश्वप्रकाश शर्मा, केन्द्रीय सदस्य शेखर कोइराला, पूर्वमहामन्त्री तथा क्षेत्र नम्बर १ का सांसद शशांक कोइराला सहभागी हुने बताए । सम्मेलनमा पार्टीको आन्तरिक गतिविधिसँगै जिल्लाको आर्थिक, सामाजिक र विकास निमार्णको विषयमा पनि छलफल हुने कार्यसूची छ ।