बुलिङटारमा मोटरसाइकल दुर्घटना हुँदा एक युवाको मृत्यु

मध्यविन्दु(नवलपरासी), १ मङ्सिर,
कालीगण्डकी कोरिडोर अन्तर्गत नवलपरासी(बर्दघाट सुस्तापूर्व)को बुलिङटारमा मोटरसाइकल दुर्घटना हुँदा एक युवाको मृत्यु भएको छ ।
बुलिङटार गाउँपालिका–२ भाङवारिमा गए राति मोटरसाइकल दुर्घटना हुँदा गम्भीर घाइते भएका तनहुँको देवघाट गाउँपालिका–२ नरमका २१ वर्षीय विकाश थापाको उपचारको क्रममा शनिवार बिहान मृत्यु भएको हो ।
कालीगण्डकी कोरिडोर अन्तर्गत बुलिङटारबाट गैँडाकोट तर्फ जाँदै गरेको ना २७ प २४८ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका थापाको मेडिकल कलेज भरतपुरमा उपचारको क्रममा मृत्यु भएको जिल्ला प्रहरी कार्यालय नवलपरासी(बर्दघाट सुस्तापूर्व)का प्रहरी नायव उपरीक्षक जेशी शाहले बताउनु भयो ।
घटनाको बारेमा थप अनुसन्धान भई रहेको प्रहरी नायव उपरीक्षक शाहले जानकारी दिनु भयो ।