देवचुलीमा गैँडाको आक्रमणमा एक जना घाइते

देवचुली,९ मङ्सिर,
नवलपरासी(बर्दघाट सुस्तापूर्व)को देवचुलीमा गैँडाको आक्रमणबाट एक पुरुष गम्भीर घाइते भएका छन् ।
जिल्लाको देवचुली नगरपालिका–३ पिप्रहरमा गैँडाले आक्रमण गर्दा वर्ष ५० का कालीराम महतो गम्भीर घाइते हुनु भएको जिल्ला प्रहरी कार्यालय नवलपरासी(बर्दघाट सुस्तापूर्व)का प्रहरी नायब उपरीक्षक बेद बहादुर पौडेलले बताउनु भयो ।
गएराति आफ्नै घर बाहिर रहेको शौचालय जाने क्रममा अचानक गैँडाले आक्रमण गर्दा महतोको बायाँ हात र दुवै खुट्टामा गम्भीर चोट लागेको हो । घाइते महतोलाई उपचारका लागि नयाँ मेडिकल कलेज भतपुर चितवन लगिएको प्रहरी उपरीक्षक पौडेलले जानकारी दिनु भयो ।