कावासोतीमा स्कुटर दुर्घटना हुँदा एक जनाको मृत्यु

नवलपरासी, ३ कात्तिक,
पूर्व–पश्चिम राजमार्ग अन्तर्गत नवलपरासी(बर्दघाट सुस्तापूर्व)को कावासोतीमा स्कुटर दुर्घटना हुदाँ एक जनाको मृत्यु भएको छ ।
बिहिवार राति कावासोती नगरपालिका–१० खरकट्टा जङ्गल स्थित पूर्व पश्चिम राजमार्गमा पूर्व देखि पश्चिम तर्फ आउँदै गरेको रा ३ प १८७५ नम्बरको स्कुटर अनियन्त्रित भई दुर्घटना भएको हो ।
दुर्घटनामा परी कावासोती नगरपालिका–२ वस्ने वर्ष ३१ का तिर्थराज देवकोटाको मृत्यु भएको जिल्ला प्रहरी कार्यालय नवलपरासी(बर्दघाट सुस्तापूर्व)का प्रहरी नायब उपरीक्षक बेद बहादुर पौडेलले बताउनु भयो । दुर्घटनाबाट घाइते भएका देकोटालाई प्रहरीले उद्धार गरि उपचारका लागि मध्यविन्दु जिल्ला अस्पताल डण्डा लगिएकोमा चिकित्सकले मृत घोषणा गरेका थिए ।