हुप्सेकोट गाउँपालिकाको प्रमुख प्रशासकीय अधिकृतमा टंक घिमिरे

हुप्सेकोट गाउँपालिकाको प्रमुख प्रशासकीय अधिकृतको रुपमा टंक घिमिरे आउनुभएको छ । सूचना तथा प्रशारण विभागमा कार्यरत घिमिरे विहिवारदेखि हुप्सेकोटमा हाजिर हुनुभएको हो । उहाँलाई हुप्सेकोट गाउँपालिका अध्यक्ष लक्ष्मीदेवी पाण्डेले स्वागत गर्नु भएको थियो । हुप्सेकोटको विकास र समृद्धिका लागि गाउँपालिका अध्यक्ष र स्थानीय जनताहरुसँग मिलेर काम गर्ने प्रमुख प्रशासकिय अधिकृत घिमिरेले बताउनुभयो । गाउँपालिकामा कार्यरत प्रमुख प्रशासकीय अधिकृत सुरेन्द्र बस्यालको जिल्ला समन्वय समिति नवलपुरमा सरुवा भएको छ ।