नगरका कोपिला बाल साहित्यिक पत्रिका विमोचन

मीना कंडेल, कावासोती, पुस २८ गते,

बालबालिकाको क्षमता प्रस्फुटन गराउन कावासोती नगरपालिकाले प्रकाशन गर्दै आएको नगरका कोपिलाको तेस्रो अङ्क विमोचन गरिएको छ । कावासासोती नगरपालिकाको १२ औ नगरसभामा नगरका कोपिला नामक बाल साहित्यिक पत्रिकाको तेस्रो अङ्क विमोचन गरिएको हो । कावासोती नगरपालिका नगर प्रमुख विष्णु भुषालले नगरका कोपिलाको विमोचन गर्नुभएको हो । “ढुंगाको काप फोरेर पनि उम्रन्छ पिपल, सिर्जना शतिm संसारमा कहिल्यै हुदैन विफल” भन्ने यस अकंमा विद्यार्थीलाई प्राथमिकता दिइएको छ । बाल साहित्यले बालबालिकाको ज्ञानको क्ष्तििजलाई फराकिलो बनाउने हुदा सिर्जनशीलताको विकासमा कोशे ढुंगा साबित हुने नगर प्रमुख भुसाल ले बताउनु भयो । साहित्यिक पत्रिकाले बालबालिकाको क्षमता विकासमा सहयोग पुर्याएको बताउनुभयो । बालबालिकाको सवालमा नगरपालिका संवेदनशिल रहेको बताउँदै नगरपालिकालाई बालमैत्री बनाउन आवश्यक सूचकहरूमा कसरी काम गर्ने भन्ने विषयमा सबैले मिलेर लागे बालमैत्री नगरपालिका निर्माण गर्न सकिने बताउनुभयो । कार्यक्रममा बोल्दै कावासोती नगर शिक्षा अधिकारी क्षेत्रबहादुर भण्डारीले नगरका कोपिलाले सिर्जनशीलताको विकासमा ठूलो सहयोग पुगेको बताउनुभयो । पछिल्लो समय विद्यालयहरूमा भौतिक विकास राम्रो भएपनि सिर्जनशीलतामा कमि आएको हो कि भन्ने देखिएकाले नगरका कोपिलाले सिर्जनशिलतामा सहयोग पुर्याउने उहाँले बताउनुभयो । नगर श्रोत शिक्षक तीर्थ कंडेलले सहजिकरण गरेको विमोचन कार्यक्रममा जनप्रतिनिधि ,बालसंजालमा आवद्ध पदाधिकारी, सदस्य, बिभिन्न विद्यालयका प्रधानाध्यापक, शिक्षक लगायतको सहभागिता रहेको थियो ।