बुलिङटार गाउँपालिका अध्यक्षमा एमालेका सुनारी विजयी

नवलपुर
बुलिङटार गाउँपालिकाको अध्यक्षमा नेकपा एमालेका दिप्न्द्र सुनारी विजयी हुनुभएको छ । उहाले नेपाली कांग्रेसका शशिकिरण बस्ताकोटीलाई १ सय ५९ मतान्तरले पराजित गर्नुभएको हो । एमालेका सुनारीले ४ हजार ५९ मत प्राप्त गर्दा कांग्रेसका बस्ताकोटीले ३९ सय मत पाउनुभएको छ । बस्ताकोटी २०७४ को निर्वाचनमा नेकपा एमालेका विद्रोही गिरीलाई २ हजार २ सय मतले हराउदै विजयी भएका थिए ।

त्यस्तै उपाध्यक्षमा भने नेपाली कांग्रेसका दिलमाया राना विजयी हुनुभएको छ । उहाले नेकपा एमालेको भुमिका खण्डलुकलाई ७ सय २० मतान्तरले पराजित गर्नुभएको हो । रानाले ४ हजार २ सय ३९ मत प्राप्त गर्दा खण्डलुकले ३ हजार ५ सय १९ मत पाउनुभएको छ ।   त्यस्तै यहा वडा नम्बर, १,२,३,४ र ६ नम्बरमा नेपाली कांग्रेसको प्यानल विजयी भएको छ भने वडा नम्बर ५ मा एमाले प्यानल सहित विजयी भएको छ ।