गैँडाको आक्रमण वाट मध्यविन्दुमा एक जनाको मृत्यु

मध्यविन्दु(नवलपरासी), ८ मङ्सिर
नवलपरासी(बर्दघाट सुस्तापूर्व)को मध्यविन्दु नगरपालिका ४ मा गैँडाको आक्रमण वाट एक जना पुरुषको मृत्यु भएको छ ।
मध्यविन्दु ४ भण्डारा बस्ने वर्ष ६५ का नाथुराम थारु घर नजिकै रहेको बारीमा आलु लगाउने क्रममा शनिवार बिहान गैँडाले आक्रमण गर्दा घटना स्थलमै मृत्यु भएको हो ।
जिल्ला प्रहरी कार्यालय नवलपरासी(बर्दघाट सुस्तापूर्व)का प्रहरी नायव उपरीक्षक जेशी शाहका अनुसार दुई जना बुहारी सहित बारीमा आलु लगाउँदै गर्दा अचानक गैँडाले आक्रमण गर्दा पेट, टाउकोमा गम्भीर चोट लाग्दा थारुको घटना स्थलमै मृत्यु भएको हो । घटनाको बारेमा थप अनुसन्धान भई रहेको प्रहरी नायव उपरीक्षक शाहले बताउनु भयो ।