त्रिवेणी ब्यारेज पुलबाट खसेर एकजनाको मृत्यु

नवलपुर । नवलपुरको त्रिवेणी स्थित ब्यारेजपुलबाट खसेर एकजनाको मृत्यु भएको छ । विनयी त्रिवेणी गाउँपालिका–७,मा रहेको ब्यारेजपुलबाट खसेर चितवन भरतपुर महानगरपालिका–८, घर भई त्रिवेणी स्थित बाटोमा मागी हिड्ने ४५ वर्षीय कृष्ण दराईको मृत्यु भएको प्रहरीले बताएको छ ।
मादक पदार्थ सेवन गरि हिडेको बेला पुलको २४ नम्बर ढोकाबाट खसेर घाइते भएका दराईलाई उद्धार गरि सहिद स्मृति सामुदायिक अस्पताल बर्दघाटमा पठाएको उपचारका क्रममा मृत्यु भएको प्रहरीले बताएको छ ।