नवलपुरमा गोहीको आक्रमण वाट एक जना गम्भीर घाइते

मध्यविन्दु (नवलपरासी), २२ असोज,
नारायणी नदीमा माछा मार्ने क्रममा गोहीले आक्रमण गर्दा एक जना गम्भीर घाइते भएका छन् ।
नवलपरासी(बर्दघाट सुस्तापूर्व)को मध्यविन्दु नगरपालिका–१५ धकाडी बस्ने ६२ वर्षीय पूर्ण बहादुर कुमाललाई नारायणी नदीमा माछा मार्ने क्रममा गोहीले आक्रमण गरेरे गम्भीर घाइते बनाएको जिल्ला प्रहरी कार्यालयका प्रहरी नायब उपरीक्षक बेद बहादुर पौडेलले बताउनु भयो ।
गोहीले आक्रमण गरेर गम्भीर घाइते हुनु भएका कुमाललाई स्थानीयले उद्धार गरि उपचारका लागि मध्यविन्दु जिल्ला अस्पताल ल्याइएकोमा थप उपचारका लागि भरतपुर लगिएको पौडेलले बताउनु भयो । घाइते कुमालको शरीरको विभिन्न भाग सहित दाहिने खुट्टामा गम्भीर चोट लागेको छ ।