नवलपुर काँग्रेसको अभिमुखीकरण कार्यक्रम सम्पन्न

कावासोती : नेपाली काँग्रेस नवलपुरले यहि भाद्र ९ गते हुने  वडा सम्मेलनका लागि आईतवार कावासोतीमा अभिमुखीकरण कार्यक्रम सम्पन्न गरेको छ ।
जिल्लाका ९२ वटै वडामा खटाईएका जिल्ला प्रतिनिधिहरुका लागि अभिमुखीकरण कार्यक्रम सम्पन्न भएको हो ।
नेपाली काँग्रेस गण्डकी प्रदेश समितिका महामन्त्री बिष्णु प्रसाद लामिछानेको प्रमुख आतिथ्यतामा सम्पन्न सो कार्यक्रममा ९ गते हुने वडा सम्मेलनका लागि जिल्ला प्रतिनिधि हरुको काम , कर्तब्य र अधिकार माथी प्रकाश पारिएको थियो  । कार्यक्रमका सहभागहरुले वडा सम्मेलन को उदेश्य र औचित्य माथी आफ्ना जिज्ञासा राखेका थिए ।
नेपाली काँग्रेस नवलपुरका कार्यबाहक सभापति चन्द्र बहादुर राना को अध्यक्षतामा भएको सो कार्यक्रममा जिल्ला सचिब महेन्द्र प्रसाद पोखरेलले सहभागीहरुलाई स्वागत गरेका थिए । कार्यक्रममा जिल्ला सचिब होमराज रानाभाटले सहजीकरण गर्नुभएको थियो ।