नगर भित्रका सबै नागरीकको समान हैसियत वनाउन लागि परेका छौः मध्यविन्दु नगर प्रमुख राना

मध्यविन्दु नगरपालिकाका प्रमुख चन्द्र बहादुर रानाले नगर भित्रका सबै नागरीकको समान हैसियत वनाउन आफुहरु लागि परेको वताउनु भएको छ । मध्यविन्दु नगरपालिका वडा नम्वर ८ का दलित समुदायका लागि आयोजित नेतृत्व विकाश एवम् उद्घोषण कला तालिममा वोल्नुहुदै नगर प्रमुख रानाले वर्ग,क्षेत्र र जातका आधारमा हुने विभेद अनत्यका लागि मध्यविन्दु नगरपालिका सधै कृयाशिल रहेको वताउनु भएको हो । समाजमा अझै पनि जातिय विभेद कायमै रहेकाले त्यसको अन्त्यका लागि सचेतना मुलक कार्यक्रमका साथै बिभेदमा परेका समुदायको क्षमता अभिवृद्धिका लागि प्रत्यक वडाहरुमा कार्यक्रम गरिएको नगर प्रमुख रानाले वताउनु भयो । त्यसैगरी कार्यक्रममा मध्यविन्दु नगरपालिका वडा नम्वर ८ का वडा अध्यक्ष पर्शुराम महतोले वडा भित्रका सवै नागरीकको समान सहभागिताका लागि समान चेतना स्तर विकाश गर्नु आवश्यक रहेको वताउनु भयो । वडाका हरेक गतिविधिमा सवै समुदायको सहभागितामा वडा नम्वर ८ का कार्यहरु अगाडि वढेको वडा अध्यक्ष महतोले वताउनु भयो । मध्यविन्दु नगरपालिकाको आयोजना एवम् दलित समन्वय समिति मध्यविन्दु ८ को संयोजनमा सञ्चालित नेतृत्व विकाश एवम् उद्घोषण कला तालिममा करिव ४० जना प्रशिक्षार्थिहरुको सहभागिता रहेको छ । तालिमको सहजिकरण पत्रकार बिष्णु गौडेलले गर्नु हुने दलित समन्वय समितिका अध्यक्ष जीवन रामदामले जानकारी दिनु भयो ।