फेसबुकमा पछ्याउनुहोस्
नवलपरासी(बर्दघाट सुस्तापूर्व)मा सञ्चालित प्रथम कावासोती नकआउट फुटवल प्रतियोगिताको उपाधि अभिषेक चर्च रजहरले जितेको छ । फाइनल खेलमा देवचुली नगरपालिका खेलकुद समितिलाई २ का विरुद्ध ४ गोल गर्दै अभिषेक चर्च रजहरले उपाधी जितेको हो ।
प्रथम भएको अभिषेक चर्च रजहरले नगद एक लाख ११ हजार एक सय ११ रुपैयाँ सहित शिल्ड, मेडेल र प्रमाणपत्र हात पारेको छ । उपविजेता भएको देवचुली नगरपालिका खेलकुद समितिले नगद ६६ हजार छ सय ६६ रुपैयाँ सहित शिल्ड, मेडल र प्रमाणपत्र प्राप्त गरेको छ ।
प्रतियोगिताको सर्वोत्कृष्ट खेलाडी अभिषेक चर्च रजहरका सबिन श्रेष्ठ, सर्वाधिक गोलकर्ता अभिषेक चर्च रजहरका बिक्की राई, उत्कृष्ट गोलरक्षक अभिषेक चर्च रजहरकै रबिन बस्नेत भएका छन् ।
जिल्लाका १२ वटा क्लवले भाग लिएको प्रतियोगिता अठ्ठाइस विगाहा युवा क्लव कावासोती ३ ले आयोजना गरेको थियो ।
