निजामती कर्मचारी अस्पतालको आयोजनामा हुप्सेकोटमा निःशुल्क स्वास्थ्य शिविर सुरु ।।
बिष्णु गौडेल
२०७९ भाद्र १०, शुक्रबार
१३ पटक पढिएको
फेसबुकमा पछ्याउनुहोस्
निजामती कर्मचारी अस्पताल काठमाण्डौको आयोजनामा हुप्सेकोट गाउँपालिकामा तीन दिने निःशुल्क स्वास्थ्य शिविर सुरु भएको छ । आउदो आइतवार सम्म सञ्चालन हुने शिविरको प्रधानमन्त्री तथा मन्त्रिपरिषदको कार्यालयका सचिव मधु कुमार मरासिनीले उद्घाटन गर्नु भएको हो । निजामती सेवा दिवस २०७९ को अवसरमा विभिन्न निकायहरु संगको सहकार्यमा आयोजित शिविर हुप्सेकोट गाउँपालिका कार्यालय परिषरमा सञ्चालन गरिएको छ ।
स्वास्थ्य तथा जनसंख्या मन्त्रालयको समन्वयमा निजामती कर्मचारी अस्पतालको आयोजना , भरतपुर अस्पताल र हुप्सेकोट गाउपालिकाको सहयोगमा शिविर सञ्चार गरिएको हो । निजामती कर्मचारी अस्पताल काठमान्डौ र भरतपुर अस्पताल चितवनका ५४ जना विशेषज्ञ चिकित्सक शिविरमा खटिएका छन् । तीन दिन सम्म सञ्चान हुने शिविर वाट हुप्सेकोट गाउपालिका संगै छिमेकि पालिकाका गरि करिव ५ हजार सर्वसाधारणले स्वास्थ्य परिक्षण गर्ने अनुमान गरिएको छ ।
शिविरमा इन्टरनल मेडिसिन, गाईने एण्ड अव्स, रेडियोलोजीष्ट, अप्थाल्मोलोजिष्ट, जनरल सर्जन, कार्डियोलोजिष्ट, अर्थोपेडिक्स सर्जन, फेमिलि मेडिसिन स्पेशियालिष्ट, मेडिकल अधिकृत र एक्सरे टेक्निसियन सहितको सेवा उपलव्ध गराइएको छ । सिविरमा ईको मेशिन, ईसिजी मेशिन, डिआर पोर्टेबल एक्सरे सेवा सहित निःशुल्क औषधी पनि वितरण गरिएको छ ।
शिविरको उद्घाटन गर्दै प्रधानमन्त्री तथा मन्त्रिपरिषदको कार्यालयका सचिव मधु कुमार मरासिनीले निजामति कर्मचारी अस्पतालनै हुप्सेकोटमा आएको हुदा नवलपुर जिल्लाका जनताले शिविरको लाभ लिन अनुरोध गर्नु भयो । दिवस तथा उत्सव सधै औपचारिक कार्यक्रम मात्र गरेर मनाउनु भन्दा प्रत्यक्ष लाभ र सहयोग हुने गरि गर्नु राम्रो हुने मरासिनीले वताउनु भयो । स्वास्थ्य शिविर हुप्सेकोट गाउपलिकामा सञ्चालन गरेकोमा निजामती कर्मचारी अस्पतालको टिमलाई धन्यवाद समेत व्यक्त गर्नु भएको थियो ।
त्यसैगरी कार्यक्रममा वोल्दै नवलपुर जिल्लाका प्रमुख जिल्ला अधिकारी सुमन घिमिरेले स्वास्थ्य शिविरले जिल्लाका सर्वसाधारणलाई प्रत्यक्ष लाभ मिलेको हुदा आयोजक प्रति आभार व्यक्त गर्नु भएको थियो ।
कार्यक्रममा वोल्दै निजामती कर्मचारी अस्पताल काठमाण्डौका कार्यकारी निर्देशक प्रा.डा.विधाननिधी पौडेलले धेरै वर्ष पछि ग्रामिण भेगमा सवै सेवा सुविधा सहितको स्वास्थ्य शिविर आयोजना गरिएको वताउनु भयो । धेरै रकम खर्च गरेर विशेषज्ञ सेवा लिन सहर तिर जानु पर्ने नागरीकलाई आफ्नै गाउँमा शिविर सञ्चालन गरिएको कार्यकारी निर्देशक पौडेलले वताउनु भयो । शिविरमा उपचार सम्भव नभएका वा थप उपचार गर्नु पर्ने अवस्था आएमा भरतपुर अस्पताल वा निजामती कर्मचारी अस्पतालमा उपचार गरिने कार्यकारी निर्देशक पौडेलले जानकारी दिनु भयो ।
उद्घाटन कार्यक्रममा वोल्दै भरतपुर अस्पताल चितवनका मेडिकल सुपरिटेन्डेट कृष्ण पौडेलले नवलपुरका सर्वसाधारण उपचारका लागि भरतपुर नै जाने हुदा यस क्षेत्रका नागरीकलाई सहज उपचारका लागि प्रतिद्ध रहेको वताउनु भयो । शिविर मार्फत गाउँ घरमा आउदा यहाको अवस्था थाहा हुने हुदा आगामि दिनमा गाउँपालिका संग सहकार्य गरि स्वास्थ्य सेवामा सहकार्य गर्ने पौडेलले वताउनु भयो ।
त्यसैगरी कार्यक्रममा वोल्दै हुप्सेकोट गाउपालिका अध्यक्ष लक्ष्मी देवी पाण्डेले नागरीकको स्वास्थ्य महत्तोपुर्ण रहेको हुदा निजामती कर्मचारी अस्पताल संग सहकार्य गरि शिविर सञ्चालन गरिएको वताउनु भयो । निजामती सेवा दिवसको शुभकामना दिदै अध्यक्ष पाण्डेले निजामती कर्मचारी अस्पताल र भरतपुर अस्पताललाई सयोजन गरि शिविर सञ्चालन गर्नु हुने निजामती कर्मचारी अस्पताल का प्रशासन विभाग प्रमुख कृष्ण सापकोटालाई विशेष आभार व्यक्त गर्दै आगामि दिनमा पनि सहकार्य गर्ने इच्छा व्यक्त गर्नु भयो ।
निजामती अस्पतालले यस वर्षको निजामती सेवा दिवसको अवसरमा तराई र पहाडी क्षेत्रको दुई दुर्गम स्थानमा स्वास्थ्य शिविर सञ्चालन गर्ने निर्णय गरेको थियो । सोहि निर्णय अनुसार हुप्सेकोट गाउँपालिकामा बिशेषज्ञ चिकित्सक र प्रविधि सहितको निःशुल्क स्वास्थ्य शिविर सञ्चालन गरिएको निजमती कर्मचारी अस्पतालका आर्थिक तथा प्रशासन विभाग प्रमुख कृष्ण सापकोटाले जानकारी दिनु भयो ।
